Framúrskarandi fyrirtæki

Marel hefur verið valið á lista Creditinfo yfir framúrskarandi fyrirtæki 2017. Alls uppfylla 862 fyrirtæki eða einungis 2,2% allra skráðra fyrirtækja á Íslandi ströng skilyrði um fjárhagslegan styrk og stöðugleika. Við mat á fyrirtækjum er horft til þriggja ára tímabils og þurfa skilyrðin að vera uppfyllt öll árin.

Marel hf. hefur náð þeim árangri að vera á listanum síðastliðin átta ár eða allt frá upphafi. Það er mikils virði fyrir Marel að teljast til þessa hóps framúrskarandi fyrirtækja á Íslandi. Þetta er um leið viðurkenning til starfsmanna Marel um afbragðs árangur.