Thank you

*

Þjónusta og viðskiptavinir

Bandarískir forstjórar heimsækja Marel

31. janúar 2018

Hópur bandarískra forstjóra frá samtökunum Young Presidential Organization heimsótti Marel þann 29. janúar síðastliðinn og fræddist um starfsemi Marel og framleiðsluna í Garðabæ.

Nýverið heimsótti hópur tíu bandarískra forstjóra sem tilheyrir samtökunum Young Presidential Organization, eða YPO, höfuðstöðvar Marel í Garðabæ. Árni Sigurðsson, yfirmaður stefnumótunar og þróunar, tók á móti gestunum og kynnti starfsemi Marel fyrir þeim.
 

Áhugi á viðskiptaháttum á Íslandi

Hópurinn hafði mikinn áhuga á að kynnast bæði Marel og því hvernig er að stunda viðskipti frá Íslandi í alþjóðasamhengi. Hópurinn tilheyrir vestur Michigan stúku YPO. Flestir forstjórana starfa í litlum fylkjum í Bandaríkjunum og telja sig því eiga ýmislegt sameiginlegt með Íslandi. Í kjölfar erindis Árna fengu gestir leiðsögn um framleiðsluna í Garðabæ þar sem þeir spurðust nánar fyrir um ýmis atriði sem þeir höfðu sérstakan áhuga á.
 

Um Young Presidential Organization

YPO eru alþjóðleg samtök sem veita framkvæmdarstjórnendum fyrirtækja vettvang til þess að efla tengslanet sitt og læra af hvorum öðrum. Rúmlega 25.000 stjórnendur eru meðlimir í samtökunum og búa þeir í fleiri en 130 löndum og stýra fyrirtækjum úr fjölbreyttum atvinnugreinum.

Hópur bandarískra forstjóra heimsækja Marel

 

Bandarískir forstjórar heimsækja Marel