Í fararbroddi á heimsvísu í fiski, kjöti og kjúklingi

Marel er í hópi stærstu útflutningsfyrirtækja Íslands og er í fararbroddi á heimsvísu í þróun og framleiðslu á háþróuðum búnaði og kerfum til vinnslu á fiski, kjöti og kjúklingi. Marel er alþjóðlegt fyrirtæki og hjá því starfa yfir 4.700 manns um allan heim. Fyrirtækið starfrækir skrifstofur og dótturfyrirtæki í fleiri en 30 löndum, auk 100 umboðsmanna og dreifingaraðila. 

 

Hjá Marel finnur þú allt sem þú þarft á einum stað 

Vöruframboð fyrirtækisins spannar allt framleiðsluferlið, frá frumvinnslu hráefnis til pökkunar í neytendaumbúðir. 

Marel býður upp á mikið úrval háþróaðra tækja og hugbúnaðar, þar á meðal vogir, flokkara, skurðarvélar, sagir, eftirlitsbúnað, beintínsluvélar, frysta, pökkunar- og merkingarvélar, svo eitthvað sé nefnt. Þá býður fyrirtækið upp á samþætt heildarkerfi sem henta á öllum helstu sviðum matvælavinnslu ásamt lausnum sem eru sérsniðnar að þörfum viðskiptavina.

 

Nýsköpun sprettur úr samstarfi

Undanfarin þrjátíu ár höfum við tengt saman það sem viðskiptavinir okkar og samstarfsaðilar gera best og það sem við gerum best. Sameinaðir kraftar hafa skilað matvælaiðnaðinum og samfélaginu auknum verðmætum. Með stöðuga nýsköpun að leiðarljósi hefur Marel umbreyst úr sprotafyrirtæki í heimsleiðtoga á sínu sviði. Fyrirtækið leggur að meðaltali 5-6% af veltu í rannsóknar- og þróunarstarf á ári hverju, sem er hæsta hlutfall sem fyrirfinnst í greininni. Framsæknar tækja- og hugbúnaðarlausnir frá Marel gera framleiðendum kleift að hámarka nýtingu, afköst og arðsemi.

Störf hjá Marel

Our People

Krefjandi starfsumhverfi

Við hjá Marel erum alltaf að leita að góðu fólki sem vill ganga til liðs við alþjóðateymið okkar.

Nýsköpun

Marel styður nýsköpun og eflingu þekkingar í verk-, raun- og iðngreinum á öllum skólastigum, allt frá leikskóla upp í háskóla.

Viðurkenningar

Marel hefur hlotið margvísleg verðlaun og viðurkenningar, meðal annars fyrir útflutning, framleiðslu og markaðssetningu.

Saga Marel

Arfleifð Marel nær allt aftur til ársins 1932. Undir okkar merkjum hafa nokkur leiðandi vörumerki verið sameinuð í eitt sterkt fyrirtæki.